開心小日記 – 7 [ 我們終於開片了]

開心小日記 – 7 [ 我們終於開片了]

今日，我們終於開片了。

[Hello, Freesom speaking]

[Freesom ，我要report比你知，我哋頭先開片嚟。 ]

[晶晶，你有冇受傷呀?]

[沒事，我剛剛跟開心吵起來。]
(晶晶一說到 D緊張嘢，佢會好快轉Nicam，用她的咆冬瓜發炮..)

[ 你知道，我剛才用你的電腦上網，開心就正正的坐在mouse上面，我叫他走開吧，你的開心依然未動，我再跟他說"請你走開吧" ，他依然未動。]

[晶晶，跟住你哋點呀?]

[開心的尾巴就在電腦上擺過來擺過去，就在我想把他抱起來的時候，他用抓在我的手背上打我一下。]

[晶晶，你有冇受傷呀?有冇流血呀? 你依家點呀?]

[我沒事，沒有流血，只是我的手背上留下一道爪痕，那我也沒有再上網了。我想去衛生間，但是開心就坐在馬桶上面，我叫他下來下來(好像最近聽到最多的口呺)，開心還坐在上面，我真的有點生氣呀。我終於把他抱出去，關上門。]

[晶晶，吾好意思，真係對你吾住，係我教導無方，我今晚番屋企一定要訓導開心先得，真係吾好意思，你依家無事呀嗎?你依家係邊呀?]

[Freesom，我依家無事，我係你個廳到，就係想同你report。]

[晶晶，你幫我叫開心過嚟聽電話，我依家就要教訓吓佢。]

電話筒這邊轉來 [開心，過嚟聽電話，你阿媽搵你! 開心，過嚟聽電話..]

[開心哩埋咗，我依家出街，等佢自己time out。


三個小時候之後…

[Hello, Freesom speaking]

[Freesom，我又番咗屋企喇。]

[晶晶，你點呀?有冇事呀 ? 開心有冇蝦你呀?]

[頭先我一入門口，佢就好似扮friend咁，好 nice咁跟住我，我行到邊，佢就跟我行到邊。我係塊鏡前化粧，佢就黙黙地望住塊鏡，我哋就係咁，大家一齊望住塊鏡，呢一刻我應該用相機影咗佢，我諗開心已經知道我要走喇，佢梗係開始吾捨得我，呢個三寶呀…] 電話筒這邊轉來溫暖的笑聲..

開心小日記 – 6 [瞓梳化]

開心小日記 – 6 [瞓梳化]

我咪上次講到，阿晶晶從咪角過呢嘅，佢第一晚就響我成日瞓個張梳化瞓，其實嗰次係我咁大隻貓以嚟，第一次見張梳化有機關咖。阿晶晶好快將張梳化變成一張床咁，你知喇，我係一隻貓呢，喱D咁好玩嘅嘢，梗要預埋我喇。



開心 (=^.^=)
2006 年10 月11 日

開心小日記 – 5 [ 石頭貓]

(D 相裡面嘅石頭貓，係系MoMo屋企影咖)
*******************************
開心小日記 – 5 [ 石頭貓]

我今日同大家講一過故事。

話說我哋上次去MoMo屋企，佢哋攞咗一樣嘢出嚟比我哋睇，Freesom當然即刻攞佢支D70出嚟sharp吓 sharp吓，佢叫石頭貓，出產地係台灣。

吾係好耐之前，有位叫Henry Lee (李鴻祥)嘅哥哥，有一日呢位Henry哥哥正準備一份特別嘅禮物送比佢嘅一位好耐冇見嘅好朋友，佢哋好friend咖，佢諗咗好耐，好想自己親手做一份禮物過佢，突然間腦裡出現咗好似我開心咁可愛嘅貓樣 (=^.^=)，於是靈感一到，阿Henry哥哥即刻走去海灘到執石頭，執完D石頭番屋企之後，呢位Henry Lee哥哥就係石頭上面，一筆一筆咁畫出一隻好cute好有character嘅貓出嚟，就係咁，第一隻石頭貓就出咗世喇。

你估吓，當佢朋友見到呢份世界上獨一無異嘅禮物時，會點反應呢? 佢嘅好朋友一見到，感動到喊…..

之後，呢位Henry哥哥就繼續佢嘅創作，每一隻石頭貓都吾同，但隻隻都有佢自己嘅神態同動作，我開心一見到，都覺得佢好棧鬼。你咪話，原本冇生命嘅石頭都可以比個生命佢，Infinity is possible。

有興趣知多D，你可以用隻老鼠按下面條連線:
http://www.etou-holiday.com.tw/12_event/StoneCat.html

我突然間諗阿安安auntie如果再吾郁多D，佢會吾會變成石頭貓咖!


開心 (=^.^=)
2006年10 月4日

開心小日記 – 4 [晶晶嚟啦]

(圖一,二,三:我前日係屋企做yoga時影咖,你做吾 做倒呀?)
(圖四: Freesom 上次幫安安auntie 影咖)

*******************************************
開心小日記 – 4 [晶晶嚟啦]


安安 auntie ,

我係開心呀, 你好嗎? 我其實都好掛住你呀, 不過上次去MoMo 屋企嘅時候, 我可能太熱情, 你哋全部哩埋, 無機會同你玩.

我哋將你嘅事話咗比阿李太知, 佢覺得你好可憐, 諗番笑笑( 佢依家住系李太屋企, 佢比我細一個月左右) 嘅阿媽同婆婆D 流浪生活, 阿李太已經好想探你 ,於是 ,佢就同另外一個 auntie上星期六去咗你屋企 ,佢番呢嘅時候話你好靚 ,成個大家歸秀咁 ,一 D都吾似流浪咗好耐 ,我諗 MoMo一定好錫你 ,所以你依家咁肥肥白白 ,其實 MoMo真係好有愛心同好 nice咖 ,我諗你會喜歡佢咖 .

Freesom同我呢幾日好忙 ,事關阿晶晶 嚟咗我哋屋企 .你吾好誤會以為晶晶 嚟自四川卧龍,查實 晶晶係上個星期六從咪角飛過 嚟, 自從晶晶嚟 咗我哋屋企,Freesom 同佢可以朝八晚十二咁, 九搭埋八, 七七六六, 五三五四… 啲咕啲咕…. 呢個晶晶有時講咆冬瓜, 有時講English, 有時講D 好似廣東話嘅話, 估吾到D 女人真係可以講嘢可以吾使停咖, 吖, 吾記得安安auntie 都係女人嚟,吾好意思,但係我真係吾係好…

晶晶依家叫咗我做三寶 ,佢同我講有一個叫大寶 , 有一個叫二寶 ,佢哋係佢係咪角識嘅小朋友 … 佢又開始講佢 D 八十日環遊咪加 D故事 …zzzzzzz


開心 (=^.^=)
2006年10 月3 日

開心小日記 – 3 [珍惜]

(係我哋上次旅行,Freesom幫我同李太影咖!係咪好sweet呢)

***************************
開心小日記 – 3 [珍惜]

嘩!我第二篇小記一出 ，我馬上收倒一位寂寞的心嘅e貓，佢真係好寂寞呵，我睇完佢隻貓之後，我還滴下我嘅第一滴貓淚，我即刻跳到Freesom附近，佢就不停摸 我個貓頭，原來呢個世界並吾係人人貓貓wowo都咁開心咖，令我感覺到自己係咁幸福嘅，我要對Freesom好D乖D喇，我依家要學嘅第一課 – 珍惜。

不過，好似聼講話呢個係人類世界裡最難學嘅其中一課，仲聼講話有D人，一生都學吾識添，呢兩個字係咪真係咁難學呢?? Freesom話係一D好貴好貴嘅嘢呢喎。

Freesom同我講今晚要陪阿李太睇戲，好似叫做大戲，佢要好夜先番，叫我自己瞓先。我又要自己一隻，我忽然有種寂寞的感覺…

下星期再續 ………

開心 (=^.^=)
2006年9月29日



以下就係e貓原文啦。


^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^
開心 =^.^=,

我是安安呀 ! 還記得我嗎 ?
我本來是一隻流浪貓, 在一個偶然的機會入住了MoMo 的家,她們對我都不錯, 但是她們不理會我的感受,就和我做了絕育手術, 表面上我怒她們, 其實在我內心是很感激她們, 因為我不用再流浪,日曬雨淋,和見到人就要躲起來.
你最近怎樣呀 ? 很掛念你, 很想和你做個朋友, 因為芝芝和冬冬都不理會我, 特別是芝芝,她對我很惡,以為我搶走了主人對她的歡心。你幾時再來呀? 快的啦, 我有很多嘢想同你講呀 !


寂寞的安安上

^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^ ^.^

開心小日記 – 2 [帶隻龐物去旅行]

(上: 呢幅係前晚去完MoMo到番屋企之後影咖，十六個月零二日，好似上鏡真係肥咗dd)
(下: 我系兩個月零三日嘅時候影咖，係咪好可愛呢，咪咪)

開心小日記 – 2 [帶隻龐物去旅行]

噚日我第一篇小日記推出後，估吾到咁快收倒幾篇靚靚讀者來e貓，我梗係好開心啦 ，我會繼續咖啦，反正我想Freesom practice 多D中文，以下係一位 Freesom波友嘅來信，原文如下:


*********************************************************************************

開心,

好彩日記係中文,所以我可以了解到你的感受. 你的日記當然係寫得好好啦. 雖然我沒有去,但都可以憑你的文章感受到你地昨晚的情形.

你是否第一次出外? 好叻呀! 不過係唔係真係暈船浪? 我都看過你在momo家的相片, 你都好喜歡和開心.

samantha

*********************************************************************************


阿Samantha姐姐，

我系呢個summer曾經同Freesom 、阿李太徒步(我梗係全程被抱抱啦)去咗尖東嘅星光大道,我第一次去睇Victoria Harbour個view，我哋朝早係屋企出發，嗰日好熱但好好天，我哋行咗好耐。吾係，應該係佢哋行咗好耐，Freesom就一直緊緊咁抱住我，熱到我哋出哂汗，差D種暑， 我仲成日伸條脷仔出黎散熱，好似隻wowo咁，無哂儀態。我聼日比D相你睇番呀，你就明白咖啦。

話說嗰日沿途我哋見倒好多遊客，有D係同胞有D係外國人，我見倒佢哋，梗係要好sincere咁同佢哋say Hello， Welcome to Hong Kong， Have a nice day…。 D外國人真係好nice，佢哋會笑得好燦爛咁同你講Oh， thank you， you too have a nice day， 然後仲同我眨吓隻眼，我又跟佢哋眨吓我隻貓眼囉。

有兩個外國遊客同Freesom傾咗一陣之後，用English問我哋where you come from 。我哋突然間大家互望一下，莫非佢哋當咗我哋都係遊客，定係佢哋問緊我Happy係系邊度黎，於是Freesom答佢哋 “Here is our home and Victoria Harbour is our garden.” 。 呢兩個外國遊客好nice咁講 “Very good. It’s so beautiful.”我哋突然間覺得好有歸屬感，不約而同大家雙眼已經轉到好深藍色嘅維港，真係好好feel呀。

為咗留住呢一刻，說時遲那時快，Freesom支D70已經瞄準咗我同李太，我好緊張，郁呢郁去，阿李太於是安慰我，啲咕啲咕…，我查實吾知佢講咩，不過就免免強強咁擺咗幾個posts… 就係咁，我哋就完成咗Freesom 同我Happy嘅願望 – 帶隻龐物去旅行。情形就係咁喇。

就係我上次表現良好，阿Freesom話會同我去多D街，好似話遲吓會上D training，睇吓有無機會train 做醫生。我諗吾係醫身，係醫心。但我依家仲好細個咋(個心智),雖然就發育快咗D....

開心 (=^.^=)
2006年9月28日

開心小日記 - 1 (試版) First Post of Little Happy's Diary

開心小日記 - 1

噚晚Freesom話要同我出trip,原來係去Momo屋企,去做親善大使,探吓有cancer嘅芝芝(我嘅同類),同埋年紀大嘅冬冬,流咗浪好耐嘅安安(佢哋都係我嘅同類),我食咗少少dinner就出發,今次係我第一次出訪,無時間比我扮靚靚 @@@@@@@

坐咗十幾分鐘車之後(點知我有d暈浪),去到Momo屋企,佢哋兩位主人好熱情,一見我就話我好肥好可愛,讚我可愛咪得囉...我呢排又好似肥咗dd...跟住同我介紹佢哋嘅芝芝,冬冬同安安,我梗係上前同佢哋say hello 啦,點知佢哋唬咗我幾次,我以為佢哋興咁樣同人打招呼,咁我咪學佢哋咁唬番佢哋囉,點知比Freesom立即話我無禮貌,佢哋跟住仲閃哂,我諗佢哋同我玩seek & hide啦,我咪開始慢慢咁search佢哋囉,好快我已經巡哂成間屋,佢哋係邊呢....

另外一邊嘅Freesom已經好relax咁同佢哋傾偈同影相,好似已經吾記得咗我,咁仲好....最後兩位主人要同我合照,我哋就係咁結束咗今次嘅拜訪,又要搭番十幾分鐘車番屋企,我好叻呀,我今次係車度無叫到,不過,當我一番到屋企,我好似幾日前個女太空人咁,頭個幾步完全係好似人哋飲醉咁,莫非高山反應會係咁嘅?究竟有無比我哋d同類食嘅暈浪丸,panadol之類呢?下次會去邊呢?係咪uncle到呢?

我篇遊記作成點呢?


開心 (=^.^=)
2006年9月27日